Suba

Aywanan mo eoman
Ako,
ag ro atong gintatap nga damgo.
Bangud owa mo eoman gin-pauna
ro ing kaugalingon,
Ako
nga ginaeubong eoman sa kueba
ag euha samtang gapaeayo ka.

Gapaeayo ka
kung siin ro adlaw hay kalipay
ag ro mga hibayag hay init it atong kalibutan,
ag haru...

Hambae nimo,
hambae nimo kakon
ulihi nga gabii kato sa idaeom it mahayag nga buean,
"Gapanaw eon man ako
para maabut ro maeawig nga dagat".

Makaron,
samtang ginahuyap-huyap ko ing maugan nga pagtikang
paeayo kakon,
Ako,
nga natur-an eon nga mahaeon ro kahidlaw...
Aywanan mo eoman ako.

Pero sayod ko,
nagapeayo ka bangud ginapeapit mo ro oras nga kitang daywa
hay maging isaea.